बस दुर्घटना हुँदा ४० जना घाइते

नुवाकोट, साउन ३० । नुवाकोट जिल्लाको बुङताङबाट काठमाडौँ आउँदै गरेको यात्रुवाहक बस आज विदुर नगरपालिका–९ लामाटारमा दुर्घटना हुँदा ४० जना घाइते भएका छन् ।

बा २ ख २८०४ नं को बसले मिनीट्रकलाई ठाउँ छोड्ने क्रममा सडक भासिएर ४० मिटर तल खस्दा बसमा सवार ४० जना घाइते भएका नुवाकोटका प्रहरी वरिष्ठ उपरीक्षक वसन्तबहादुर कुँवरले बताए ।

आज बिहान १०ः३० बजेतिर भएको उक्त दुर्घटनामा गम्भीर घाइते भएका सात जनालाई थप उपचारको लागि काठमाडौँ ल्याइएको छ । अन्य घाइतेको त्रिशूली अस्पतालमा उपचार भइरहेको छ ।