उदयपुर, भदौ ४ । विद्युतको लाइनबाट करेन्ट तानेर माछा मार्ने क्रममा उदयपुर जिल्लाको उदयपुर गढी गाउँपालिका–७ ध्वाँसे खोलामा आइतबार एक युवकको मृत्यु भएको छ ।
सोही क्रममा करेन्ट लागेर अर्का एक जना घाइते भएका छन् । मृत्यु हुनेमा स्थानीय २० वर्षीय कैलाश मगर रहेको र घाइते उमेश मगर रहेको जिल्ला प्रहरी कार्यालय उदयपुरले बताएको छ ।
विद्युतको मूल लाइनबाट करेन्ट तानेर माछा मार्ने क्रममा करेन्टले फालेर कैलाश मगरको मृत्यु भएको हो ।