वर्तमान सरकारको विरोध गर्नुकोे कुनै औचित्य छैन : अध्यक्ष थापा

विराटनगर, भदौ १४ । वर्तमान सरकारको विरोध गर्नुको अहिले कुनै औचित्य नभएको राष्ट्रिय प्रजातन्त्र पार्टीका अध्यक्ष कमल थापाले बताएका छन् ।

सरकार गठन भएको ६ महिना मात्र भएकाले अहिले नै मूल्याङ्कनको बेला नभएको उनको भनाइ छ । उनले यातायात क्षेत्रको एकाधिकार(सिण्डिकेट) हटाउने र काम नगर्ने निर्माण व्यवसायीलाई कारवाही गर्ने कार्य रोकेकामा सरकारप्रति गुनासो गरेका छन् ।

मुलुकको समस्या सुल्झाउनका लागि सबै राजनीतिक दलको सहमति लिएर सहकार्य गर्नु उपयुक्त हुने अध्यक्ष थापाको भनाइ छ ।

अध्यक्ष थापाले सनातन हिन्दू राष्ट्र, लोकतन्त्रसहितको राजसंस्थालगायतका विषय सहमतिका आधारमा टुङ्ग्याउनुपर्ने बताएका छन् ।