काठमाडौँ, भदौ १५। संयुक्त राज्य अमेरिकाको सिकागोमा यही भदौ १५ देखि १७गतेसम्म हुने नेपाली अन्तर्राष्ट्रिय सम्मेलनमा सम्बोधनका लागि गए राति नेपाल कम्युनिष्ट पार्टीका वरिष्ठ नेता माधवकुमार नेपाल त्यसतर्फ प्रस्थान गरेका छन् ।
अमेरिकाको मध्यपश्चिम नेपाली संघ, अमेरिकी दक्षिणपूर्वी नेपाली संघ र अमेरिकी नेपाली संघको संयुक्त आयोजनामा हुने उक्त सम्मेलनमा अमेरिका र क्यानाडामा रहेका नेपाली कलाकार र विभिन्न क्षेत्रमा आबद्द व्यक्तित्वसँग भेटघाट गर्ने नेता नेपालको सचिवालयले जानकारी गराएको छ ।
नेता नेपाल सो कार्यक्रम सकेर यही भदौ २० गते स्वदेश फर्कने कार्यक्रम तय भएको बताइएको छ ।