लाप्राक नमुना बस्ती र एनआरएन भवन अर्को महिना हस्तान्तरण

शंखमुल र सीन्धुलीगढी पनी हस्तान्तरण गरीने

गैरआवासीय नेपाली संघ (एनआरएनए) काे आगामी अक्टोवर महिनामा काठमाडाैमा हुने एनआरएनए डेका अवसरमा महत्वपूर्ण परियोजनाहरु निमार्ण सम्पन्न गरि हस्तान्तरण गरिने भएको छ।

विश्वभरि छरिएका नेपालीहरुको सहकार्यमा निमार्ण गरिएको एनआरएनएको महत्वपूर्ण परियोजना मध्ये भूकम्पबाट क्षतिग्रस्त गोरखाको लाप्राकमा निमार्ण गरिएका ५७० घर सहितको नमुना वस्ती स्थानियलाई हस्तान्तरण गरिन लागेको हो। एनआरएनए अध्यक्ष भवन भट्टले लाप्राक वस्ती निमार्णको कार्य हाल तिव्र गतिमा भईरहेकाले एनआएनए डे कार्यक्रम पूर्व कुल पाँचसय ७३ घर मध्ये तीन सय ५२ घर पूर्ण तयारी भईसक्ने र बाँकी घरहरुपनि केही समयमै सम्पन्न गर्ने गरि कार्य भईरहेको जानकारी दिए।

हालैको तिव्र वर्षाका कारण तत्काल रोकिएको निमार्ण काम यतिवेला नेपाल आर्मीका एक सय पाँच जवान सहित ७५ जना स्थानिय सहितको टोलीेले गरिरहेको भएपनि थप तीनसय कामदारको टोलीले नमुना वस्तीलाई दशै अगावै सम्पन्न गर्ने लक्ष्य राखेको भट्टले बताए। भवन निमार्णका लागि नेपाल आर्मीका थप जवान तथा तालिमका लागि घर बनाउन खटिने करिव तीन सयको टोलीले निमार्णका सम्पूर्ण काम अक्टाेबर अगाडी सक्ने अध्यक्ष भट्टले दावी गरे।

वर्षाले रोकिएका कामलाई यसै साताबाट सुचारु गरीएको र आगामी दुई साता भित्र साढे तीनसय घरको काम पूर्ण रुपमा सकिने उनले प्रष्ट पारे । एनआरएनए भवन, सिन्धुलीगढी परियोजना र शंखमुल पार्क पनि सम्पन्न हुने यसैगरि अध्यक्ष भट्टले बहुप्रतिक्षित एनआरएनए अन्तराष्ट्रिय समन्वय परिषदको बालुवाटारमा निर्माणाधिन भवन पनि एनआरएनए डे अवसरमा उदघाटन गरिने तयारी गरिएको जानकारी दिए। चार तल्ले भवन मध्ये चौथो तल्लामा कार्यालय रहने सो भवनलाई व्यवयासीक कम्पनीहरुसंगको सहकार्यमा भाडामा दिने गरि तयारी भईरहेको अध्यक्ष भट्टले सुनाए। यस्तै एनआरएनए डे कै अवसरमा एनआरएनए अध्यक्ष भवन भट्टले घोषणा गरेकाे ऐसिहासिक सिन्धुलीगढी परियोजनालाई पनि सम्पन्न गरि हस्तान्तरण गरिने छ । संचारकर्मीहरुसंगको भेटघाट कार्यक्रममा अध्यक्ष भट्टले अगाडी भने , काठमाडौँको शंखमुल पार्कमा निमार्णाधिन शंखमुल पार्कपनी साेही समयमा स्थानिय क्लवलाई हस्तान्तरण गरिने छ । यस्तै एनआरएनए डे अवसरमा एनआरएनए प्रसिडेन्सीयल अवार्ड लगायत नेपालको आर्थिक समृद्धिमा गैरआवासीय नेपालीको भूमिका विषयमा देशव्यापी अन्तरविद्यालय स्तरिय निवन्ध प्रतियोगिता संचालन गरि पुरस्कृत गरिने छ । स्थापना दीवसकाे अवसरमा राष्ट्रिय स्तरको डण्डिवियो प्रतियोगिता समेत आयोजना गरिने छ। यस्तै एनआरएनए अध्यक्ष भवन भट्टले हालै धार्मिक तथा पौराणिक महत्वको जनकपुरको जानकी मन्दिरको रंगरोकन तथा सजावट कार्य सम्पन्न गरि आगामी विवाह पन्चमी अवसरमा हस्तान्तरण गरिने याेजना रहेकाे समेत सुनाए ।