लोकसत्ता सम्वाददाता, क्यानडा ।
नोभेम्वर १९, २०१८
क्यानडाको टोरोन्टोमा हालै सम्पन्न टोरोन्टो ओपन तेक्वान्दो प्रतियोगितामा एभरेष्ट तेक्वान्दो एकेडेमीले उत्कृष्ठ सफलता प्राप्त गरेको छ । प्रतियोगितामा एभरेष्ट तक्वान्दो एकेडेमीका खेलाडीहरूले १६ स्वर्ण, ७ रजत र ११ कांस्य गरि कूल ३४ पदक हासिल गरेका छन् । ब्राम्पटन तथा स्कारब्रो डोजागंका कूल ४५ खेलाडीको सहभागिता रहेको प्रतियोगितामा खेलाडीहरूले स्पायरिगं तथा पुम्से बिधामा प्रतिष्पर्धा गरेका थिए ।
प्रत्यक बर्ष आयोजना हुने यस प्रतियोगिता क्यानडाको वृहत एवं प्रतिष्ठित प्रतियागिता मानिन्छ । जसमा यसपाली क्यानडा लगायत करिब ११०० खेलाडीहरूको सहभागिता रहेको थियो ।
एभरेष्ट तेक्वान्दो एकेडेमिका प्रमुख प्रशिक्षक तथा अन्तराष्टिय रेफ्रि मास्टर धिरेन्द्र शाहिको संयोजकत्वमा नेपालका तेक्वान्दो प्रशिक्षक तथा अन्तराष्टिय रेफ्रिहरू बद्रि घिमिरे, गोविन्द शर्मा, रविन जोशी तथा अर्जुन के.सी.ले यस प्रतियोगितामा निर्णायकको भूमिका निर्वाह गरेका थिए ।
नोभेम्वर १७ र १८ मा संचालित यस प्रतियोगितामा नेपाली तेक्वान्दोका मास्टरहरू राजु थापा, गिरि बुढोथोकि, निरज पौडेल, लिला शाही, आनन्द अर्गेजा, यादव कुंवर, कल्याण कुंवर लगायतले बिशेष सहयोग पुर्याएको एकेडेमिले जनाएको छ ।
स्मरणिय के छ भने, नेपाली तेक्वान्दोको बिकाश संगै तेक्वान्दोमा आफ्नो योगदान गरेर बिश्वका बिभिन्न बिकसित मूलुकहरूमा नेपाली प्रशिक्षकरू तेक्वान्दोको बृद्दि बिकाशमा अगाडी बढिरहेको तथ्य यस प्रतियोगितामा पाएको सफलताबाट प्रष्ट भएको पार्इन्छ ।