गेस्टहाउसका संचालकका छोरा मृत अवस्थामा फेला

मंसिर ११ गते मंगलबार गंगबुबाट बेपत्ता भएका त्रिवेणी स्वस्तिक गेस्टहाउसका संचालक प्रविण कुँवरका छोरा प्रयास कुँवर मृत अवस्थामा फेला परेका छन् ।

महानगरीय प्रहरी परिषद्का एसएसपी धिरजप्रताप सिंहको नेतृत्वमा गएको ५ जनाको टोलिले आज बालाजुको मैपी पुलमुनि उनलाई मृत अवस्थामा फेला पारेको हो ।

कुँवरलाई आफ्नै ड्राइभर महेन्द्र सार्कीले हत्या गरी पुलमुनि फालेको एसएसपी सिंहले जानकारी गराए ।

उपत्यका भित्र बढ्दो हत्या हिंसाका घटना न्यूनिकरणका लागि परिषद् सक्रिय रहेको एसएसपी सिंह बताउँछन् ।  अपराधि जोसुकै भएपनि उम्केर कही जान नसक्ने उनी दाबी गर्छन ।