काठमाडौँ, मंसिर १७ । पारा राष्ट्रिय खेलकूदच्याम्पियनसिप लगनखेलस्थित सैनिक शारीरिक तालीम तथा खेलकूद केन्द्रमा आजबाट हुँदैछ ।
राष्ट्रिय खेलकूद परिषद् (राखेप) को आयोजनामा हुन लागेको उक्त प्रतियोगितामा पारासँग सम्बन्धित विभिन्न १८ खेलको प्रतिस्पर्धा हुने पारा राष्ट्रिय खेलकूद च्याम्पियनसिप व्यवस्थापन समितिका सदस्य–सचिव मीनकुमार शर्माले बताए ।
एक महीनाको अवधिमा सम्बन्धित खेल संघले प्रतियोगिता सम्पन्न गर्नुपर्नेछ । प्रतियोगितामा एक हजार एकसय खेलाडीको सहभागिता रहने सदस्य–सचिव शर्माले बताए ।
करीब रु ४० लाख खर्च हुने अनुमान गरिएको प्रतियोगितामा १५० स्वर्णका लागि प्रतिस्पर्धा हुनेछ ।