लहान, फागुन १० । आज बिहान सिरहाको लहानमा अज्ञात समूहले विभिन्न राष्ट्रिय पत्रिकाहरु जलाएर तहस नहस पारेका छन् । लहानस्थित सीता नोवेल न्यूज सेन्टर अगाडि बिक्रीका लागि राखिएको कान्तिपुर दैनिक, द काठमाडाँै पोस्ट, साप्ताहिक, हल्लो शुक्रबारलगायतका करीब ४०० प्रति पत्रिका जलाएर खरानी बनाएका हुन् ।
पसल सञ्चालक दिनेश देवले भने, म पसल खोल्न बिहान पुग्दा पत्रिका जलिरहेको अवस्था थियो, कसले र किन पत्रिका जलायो यसबारेमा केही थाहा भएन ।
घटनाबारे अनुसन्धान भइरहेको इलाका प्रहरी कार्यालय लहानका प्रहरी नायब उपरीक्षक राजेश थापाले जानकारी गराएका छन् । केही दिनअघि सीता नोवेल पसलका लागि आएको कान्तिपुर, काठमाडौँ पोस्टलगायतका पत्रिका चोरीसमेत भएको थियो ।