सिटौंलाद्वारा पीडित परिवारको उद्दार, राहत र बसोबासको प्रबन्ध मिलाउन सरकारसँग माग

काठमाडौँ, चैत १८ । काँग्रेस नेता कृष्णप्रसाद सिटौंलाले आइतबार राति गएको भीषण हावाहुरीका कारण झण्डै ३ दर्जनको ज्यान गएकोप्रति दुख व्यक्त गरेका छन् ।

नेता सिटौलाले सोमबार राष्ट्रिय शोकको घडिमा सबै मिलेर उद्दारमा लाग्न कार्यकर्ताहरुलाई निर्देशन दिएका छन् । उनले सो विपत्तिमा ज्यान गुमाउनेहरुप्रति श्रद्धाञ्जलि व्यक्त गर्दै शोकाकूल परिवारप्रति धैर्य धारण गर्ने क्षमता जुटोस् भन्ने कामना गरेका छन् ।

साथै पीडित परिवारको उद्दार, राहत र तत्काल उनीहरुको बसोबासको प्रबन्ध मिलाउन पनि नेपाल सरकारसँग माग गरेका छन् । केन्द्र सरकारले सो क्षेत्रमा उद्दारको लागि नेपाली सेना, नेपाल प्रहरी र सशस्त्र प्रहरीको टोली घटनास्थलमा परिचालन गरिसकेको छ भने काँग्रेसले पनि आफ्ना कार्यकर्ताहरुलाई उद्दारमा लाग्नको लागि आन्तरिक निर्देशन दिईसकेको छ ।