गायन क्षेत्रमा एक छत्र राज गरेका गायक प्रमोद खरेलको गीत ‘झुमा झुमा’ युट्युब ट्रेन्डिङमा दुई नम्बरमा झरेको छ । हिजो युट्युबको ट्रेन्डिङ एकमा पर्न सफल सो गीत आज भने दुई नम्बरमा झरेको छ । उनका हरेक गीतको क्रेज बजारमा उतिकै हुँने गर्दछ ।
गायन क्षेत्रमा अत्यन्त व्यस्त देखिने यी गायकको अघिल्लो गीत झुमाले पनि निकै बजार तताएको थियो । प्रमोद खरेलको स्वरमा बजारमा ल्याइएको ‘झुमा झुमा’ हिमान्सु रायमाझीको शब्द रचना छ भने संगीत भिम बिसिले भरेका छन् ।
गीतको भिडियोमा पल शाह, प्रमोद खरेल स्वयम् छन् भने उनीहरुको अपोजिटमा प्रिन्सी खतिवडा र प्रिज्मा खतिवडा छन् । सामाजीक सञ्जाल टिकटकबाट भाइरल भएका प्रिन्सी र प्रिज्माको यस अघि बजारमा आएको हाम्रो माया जिन्दाबाद गीतबाट नै निकै चर्चा कमाएका थिए ।
उनीहरुको पहिलो गीतले नै सफलता बटुले पछि सो जोहीलाई आफ्नो प्रडक्सनमा ल्याउन चाहानेहरुको भिड पनि बाक्लै छ ।