चलचित्र ‘कप्स’को ट्रेलर सार्वजनिक

काठमाडौं, वैशाख १६ । जेठ १७ गतेबाट रिलिज हुन लागेको चलचित्र ‘कप्स’को ट्रेलर रिलिज भएको छ । अनुपविक्रम शाहीको मुख्य भुमिका रहेको चलचित्रमा उनलाई प्रहरीको भूमिकामा देख्न सकिनेछ ।

सम्राट सापकोटाको लेखन तथा निर्देशनमा तयार भएको यो चलचित्रले एक इमान्दार प्रहरीको कथालाई प्रस्तुत गरेको छ । चलचित्रमा अनुपको जोडीको रुपमा सन्दिपा लिम्बुले अभिनय गरेकी छिन् ।

निर्माणपक्षका अनुसार, चलचित्रले पब्लिक, पोलिटिक्स र पुलिसको कथा भन्छ । आर्या मुभिज र सारा श्री मुभिजको ब्यानरमा निर्माण भएको यो चलचित्रमा सुशान्त प्रजापतिको छायांकन, अष्ट महर्जनको एक्सन, विपिन मल्लको सम्पादन, कविराज गहतराज र शिशिर खातीको नृत्य निर्देशन छ ।