थाइल्याण्डका पूर्व प्रधानमन्त्री प्रेम तीनसुलानन्दको हृदयघातका कारण निधन

बैङ्कक, जेठ १२ । थाइल्याण्डका पूर्व प्रधानमन्त्री प्रेम तीनसुलानन्दको आइतबार ९८ बर्षको उमेरमा निधन भएको छ । हृदयघातका कारण उनको निधन भएको स्थानीय सञ्चार माध्यमहरुले जनाएका छन् । बैङ्ककमा रहेको फ्रा मोङ्कुत्क्लाओ अस्पतालमा उनको निधन भएको जनाइएको छ ।

उनी गत सन् २०१६ मा तत्कालीन राजा महाभाजिरालङकर्नको निधनपछि शाही सल्लाहकार परिषद्को अध्यक्षका हैसियतले नयाँ राजा चयनमा महत्वपूर्ण भूमिका निर्वाह गरेका व्यक्ति हुन् । पूर्व प्रधानमन्त्री प्रेमको सन् १९२० को अगस्त २६ तारिखका दिन जन्म भएको थियो ।

तीनसुलानन्द सोङख्ला प्रान्तका स्थानीय बासिन्दा भएपनि सिसाओमा लामो समयदेखि बस्दै आएको बताइएको छ । थाइल्याण्डको पूर्व सेनापति समेत रहेका प्रेम सन् १९८० देखि १९८८ सम्म प्रधानमन्त्री भएर देश र जनताका लागि महत्वपूर्ण भुमिका निर्वाह गरेका थिए ।