एक्सपर्ट एजुकेसन एन्ड भिषा सर्भिसेजले अस्ट्रेलियाको परिवर्तित शिक्षा निती र यहाँंको शैक्षिक प्रणाली तथा बिश्वबिद्यालय अनि भेट शिक्षाको जानकारी दिने उद्देस्यका साथ एक दिने शैक्षिक मेलाको आयोजना गरेको छ । एजुकेसन एन्ड माइग्रेशन फेयर नाम दिइएको एक दिने मेलामा शैक्षिक तथा अध्यागमनका पछिल्ला परिवर्तित नियमका बारेमा बिशेष जानकारी उपलब्ध गराइएको एक्सपर्टका कार्यकारी मन्जित घिमिरेले बताए ।
अस्ट्रेलियन सरकारले पछिल्लो पटक पीआरको लागि परिवर्तित गरेको अंकका आधारमा बिध्यार्थीहरुलाई बिज्ञहरुले जानकारी गराएका थिए । यस्तै पीआइ र नाटी परिक्षाको संभावना र महत्च अनि निशुल्क पीटी र मोक टेस्टको समेत ब्यबस्थापन गरिएको थियो ।
मेलामा बिध्यार्थीहरुले आफुलाई लागेको बिषयमा बिज्ञहरुसँंग निर्धक्क एक्लै परामर्श लिने ब्यवस्थाका साथै अस्ट्रेलियामा अध्यनका लागि छात्रबृतीको ब्यवस्थापनमा समेत बिध्यार्थीहरुलाई जानकारी दिइएको घिमिरेले बताए ।
ओलंघन बिश्वबिद्यालय,न्युक्यासल युनिभसिंटी, टेफ एनएसडब्लु, जेम्स कुक युनिभर्सिटी,फ्लीन्डर्स युनिभर्सिटी लगायत २८ वटा शैक्षिक निकायहरुको प्रत्यक्ष सहभागिता रहेको एक दिने मेलामा सयौ बिध्यार्थीहरुले सिधै आवश्यक जानकारी लिएका थिए । अस्ट्रेलियाको शैक्षिक प्रणाली र यहाको अवस्थाका बारेमा बिविध टिका टिपर्णी भैरहेको बेला हामीले हरेक बर्षझै यस पटक पनि बिध्यार्थीहरुका समस्या र यसका पहिचान अनि समाधानका बिषयमा एक दिने निशुल्क सेमिनारको आयोजना गरेका हौ, एक्सपर्टका निर्देशक बद्री अर्यालले सुनाए ।
बिध्यार्थी र शैक्षिक निकायबिचको प्रत्यक्ष संवादले उनिहरुको जिज्ञासा मेटनुका साथै पढाइका बिषयमा देखिएका कयैन बिषयहरु स्पष्ट हुनेहुनाले एक्सपर्टले शैक्षिक मेला आयोजना गर्दै आएको निर्देशक अर्यालले प्रष्ट पारे । कार्यक्रममा बिध्यार्थीहरुलाई लक्की ड्र मार्फत बिभिन्न आकर्षक पुरस्कारको ब्यबस्था समेत गरिएको थियो ।