सुनसरी जिल्लाका विभिन्न बाढी प्रभावित स्थानहरुमा नव आदर्श नेपाल नामक गैरसरकारी सँस्थाको आयोजनामा स्वास्थ्य शिविर, सरसफाइ सामाग्री तथा राहत सामाग्री वितरणको कार्य गरिएको छ । उक्त कार्यक्रममा हेल्प नेपाल र लुम्बिनी इमरजेन्सि रेस्पोन्स नेपालको सहयोग रहेको थियो । शनीबार सुनसरी जिल्लाको हरिनगरा गाउँपालिकाको बसन्तपुरमा र आइतबार रामधुनी नगरपालिकाको डुम्राहा र इटहरी उपमहानगरपालिकामा बाढिजन्य रोगको औषधि वितरण र सामान्य रोगको चेकजाँच गरिएको थियो । टाउको दुख्ने, ज्वरो, खोकी, जिउँ चिलाउने, आँखा दुख्ने , कान चिलाउने, पेट फुल्ने लगायतका अन्य बाढिबाट उब्जियका समस्याको निशुल्क स्वास्थ्य जाच गरि औषधि वितरण समेत गरिएको थियो ।
भारतीय सिमाभन्दा दुई किलिमिटर नजिक रहेको सुनसरीको दक्षिण विकट गाउँ बसन्तपुरमा सम्पन्न शिविरमा एक सय पचाँसभन्दा बढि बाढी पिडित स्थानियको स्वास्थ्य जाँच गरि औषधि वितरण गरिएको थियो । बसन्तपुर स्वास्थ्य चौकीको सहकार्यमा भएको स्वास्थ्य शिविरमा स्थानियलाई टुथब्रस, टुथपेस्ट, साबुन लगायतका सरसफाई सामाग्री पनी वितरण गरिएको थियो । बढी प्रभावित सुत्केरी तथा एक बर्षभन्दा कमका बच्चाका आमालाई सर्बोतम पिठो वितरण गरिएको थियो । बाढीले बाटो बगाएकाले कुनैपनि राहात तथा सहयोग पुग्न नसकेको बसन्तपुरका स्थानिय प्रतिनिधिले नव आदर्श नेपालले संचालन गरेको स्वास्थ्य शिविर तथा अन्य सहयोगमा खुशि व्यक्त गरे ।
बाढीबाट अति प्रभावित मुसहर बस्तिलाई लक्षित उक्त स्वास्थ्य शिविर डुम्राहा स्वास्थ्य चौकिमा संचालन गरिएको थियो । स्वास्थ्य चेकजाँचको साथसाथै प्रभावित उपस्थितलाई खाध्य सामाग्री र सरसफाई सामाग्री पनि वितरण गरिएको थियो । उपस्थितलाइ दालमोट, चाउचाउ , साबुन, टुथब्रस, टुथपेस्ट, सर्बोतम पिठा, जिवनजल , स्यानिटरी प्याड वितरण गरिएको थियो । आइतबार नै इटहरी उपमहानगरपालिकामा पनी स्वास्थ्य शिविर सम्पन्न भएको थियो । बाढीबाट संक्रमितको चेकजाँच र औषधि वितरण गर्नुको साथसाथै बाढी प्रभावितलाई खाध्य सामाग्री र सरसफाई सामाग्री वितरण गरिएको थियो ।