काठमाडौं,फागुन १२ गते महेन्द्रनारायण निधि प्रतिष्ठानको कार्यक्रममा बोल्दै नेपाली कांग्रेसका सभापति शेरबहादुर देउवाले नेकपाका अध्यक्षद्वय पुष्पकमल दाहाल प्रचण्ड र माधवकुमार नेपालसँग भएको भेटमा आफूले केही भन्न नसकेको, बचन नि दिन नसकेको खुलाएका छन् ।
सर्वोच्च आलतबाट संसद् पुनःस्थापित भइसकेपछि दुई अध्यक्षसँग भेटवार्ता गरेका देउवाले भने, “माधव–प्रचण्डसँग कुरा भयो तर मैले उहाँहरुलाई केही प्रतिबद्धता जनाउन सकिन ।
उनले प्रतिबद्धता जनाउने अवस्था राजनीतिक रुपमा नभएको बताए ।
“नेकपा फुटोस् भन्ने हाम्रो चाहना होइन । एउटा लोकतन्त्रिक पार्टीले अर्को पार्टी फुटोस् भनेर हामी चाहँदैनौ र कसैले पनि त्यस्तो चाहना राख्नु हुँदैन,” देउवाले प्रश्न गरे, “उहाँहरु दुई समुहमा विभाजित हुनुहुन्छ तर, कानुनी रुपमा एउटै पार्टी छ । कसरी उहाँहरुसँग सत्ता साझेदारीका विषयमा सहमति गर्ने ?”