नेपाल आइडलका तीन प्रतिस्पर्धीलाई आयोजक कमिटी एपीवानले आ–आफ्नो जिल्लामा भोट माग्नका लागि पठाएको छ । नेपाल आइडलका टप थ्री मा पर्न सफल प्रतिस्पर्धी निशान्त भट्टराई आज आफ्नो जिल्लाको विभिन्न स्थानमा कन्सर्टमा व्यस्त छन् भने बुद्ध लामालाई पनि आफ्नो जिल्ला पठाइसकेको छ ।
नेपाल आइडलका चर्चित प्रतिस्पर्धी प्रताप दासलाई भने उपत्यकाभित्रकै जिल्ला ललितपुरमा घर भएका कारण भोलि १२ बजेदेखि ६ बजेसम्मको समय आयोजक कमिटीले छुट्याईदिएको नेपाली कांग्रेस ललितपुरका युवा नेता मीनकृष्ण महर्जनले बताएका छन् । महर्जनका अनुसार भोलि तय भएका प्रताप दासका कन्सर्टहरु यस प्रकार छन् ।
१२ बजे बनेपा १ बजे लगनखेल, ललितपुर २ बजे टौखेल, ललितपुर ३ बजे झरुवारासी, गोदावरी १३, ललितपुर ४ बजे चापागाउँ, ललितपुर ६ बजे मंगलबजार, ललितपुर
कन्सर्टपश्चात उनी होटलमै फर्कने बताइएको छ । नेपाल आइडलको अन्तिम नतिजा अनुसार टप २ मा पर्न सफल प्रताप दास विजयीको नजिक छन् । यही अशोजको ७ गते कतारको दोहामा फाइनल हुने नेपाल आइडलका चर्चित व्यक्ति प्रताप दास भएका कारण उनलाई विजयीको लागि खासै अप्ठेरो देखिदैन । प्रतापले भोलि देखाउने प्रस्तुतिले विजयी हुनका लागि अझ सहज हुने देखिन्छ ।