काठमाडौं । प्रधानमन्त्री केपी शर्मा ओलीले देशवासीका नाममा सम्बोधन गर्दै छन् । उनले प्रधानमन्त्री निवास बालुवाटार छाड्नुअघि देशबासीको नाममा सम्बोधन गर्न लागेका हुन् । बालुवाटार स्रोतका अनुसार आज दिउँसो २ बजे ओलीले सम्बोधन भएका छन् ।
सर्वोच्च अदालतले नेपाली कांग्रेसका सभापति एवं पूर्व प्रधानमन्त्री शेरबहादुर देउवालाई प्रधानमन्त्री नियुक्त गर्न दिएको समय अगाडि नै ओलीले प्रधानमन्त्रीको हैसियतमा देशवासीका नाममा अन्तिम सम्बोधन गर्ने भएका हुन् । आजै दिउँसो १ बजे बालुवाटारमा नेकपा एमालेको स्थायी कमिटी बैठक बसेलगत्तै ओलीले सम्बोधन गर्ने भएका छन् ।
सर्वोच्च अदालतले राष्ट्रपतिलाई आज ५ बजेसम्म शेरबहादुर देउवालाई प्रधानमन्त्री नियुक्त गर्ने समय तोकिदिएको छ । सोही अनुरुप राष्ट्रपति कार्यालयले आजै अपरान्ह ५ बजे देउवालाई प्रधानमन्त्रीको सपथ खुवाउने तयारी गरेको छ ।