काठमाडौं । मैलुङ खोला जलविद्युत कम्पनी लिमिटेडले यही साउन १४ बाट सर्वसाधारणका लागि आईपीओ निष्काशन गर्दै छ । कम्पनीले ७ करोड ३६ लाख २८ हजार ६०० रुपैयाँ बराबरको आईपीओ निष्काशन गर्न लागेको हो ।
कम्पनीले प्रतिकित्ता १०० रुपैयाँ अंकित मूल्यको ७ लाख ३६ हजार २८६ कित्ता साधारण शेयर निष्काशन गर्न लागेको हो । कुल शेयरमध्ये २ प्रतिशत अर्थात १४ हजार ७२६ कित्ता शेयर कर्मचारीहरुका लागि र ५ प्रतिशत अर्थात ३६ हजार ८१४ कित्ता शेयर सामूहिक लगानी कोषलाई छुट्याएको छ ।
बाँकी ६ लाख ८४ हजार ७४६ कित्ताका सर्वसाधारणका लागि छुट्याइएको छ । सो शेयरमा सर्वसाधारणले साउन १४ देखि १८ गतेसम्म आवेदन दिन सक्नेछन्।
सो अवधिमा पूर्ण आवेदन नपरेमा साउन २८ गतेसम्म आवेदन दिन सकिने छ । यसमा न्यूनतम १० कित्ताका लागि आवेदन दिन सकिने छ भने बढी १ लाख कित्तासम्म शेयर खरिदका लागि आवेदन दिन सकिने छ ।