काठमाडौं । कोरोना कहरले थलिएको नेपाली गीत, संगीत बजारमा चर्चित गायक यशकुमार र मिलन अमात्यको स्वरमा रहेको गीत ‘तिम्रो मन बदलिएछ’ नामक गीतको भिडियोले चर्चाको शिखर चुमेको छ ।
पछिल्लो साता ‘तिम्रो मन बदलिएछ’ नामक गीतको भिडियो युट्युव च्यानलमा सबैभन्दा धेरै हेरिने नेपाली गीतमा दहरिएको छ । यो साता ‘तिम्रो मन बदलिएछ’ नामक गीतलाई २६ लाख १५ हजार २ सय ५१ पटक हेरिएको पाइन्छ।
यस गीतको कूल भ्यूज हालसम्म २८ लाख २ हजार ९२ रहेको छ । त्यसैगरी दुर्गा खरेलको सुमधुर स्वर सजिएको ‘धर्ती आकाश’ बोलको गीत दोस्रो शीर्ष स्थानमा परेको छ । सो गीत यो साता मात्रै २३ लाख ३२ हजार ९ सय ५८ पटक हेरिएको छ ।
त्यस्तै प्रीति आलेको स्वरमा रहेको ‘सोल्टी राजाको टुम्लेट’ गीत यो साता सूचीको तेस्रो स्थानमा पर्न सफल भएको छ । यो गीतलाई यस साता १८ लाख ९६ हजार ८४३ पटक हेरिएको छ ।