ठक्करबाट एकको मृत्यु

काठमाडौँ, कात्तिक ९ । बस र ट्याक्सीको ठक्करबाट वसुन्धारामा एकको मृत्यु भएको छ । बा३ख ९६९० नंम्बरको यात्रुबाहक बस र बा१ज ३८०८ नंम्बरको ट्याक्सी एकआपसमा ठोकिँदा सिन्धुली घर भएका ४० वर्षीय टेकबहादुर माझीको मृत्यु भएको हो ।

बुधबार राति तीव्र गतिमा गुडेको ट्याक्सी र बस ठोकिँदा पैदलयात्रु माझी गम्भीर घाइते भई त्रिभुवन शिक्षण अस्पताल लैजाने क्रममा निधन भएको थियो । महोत्तरीका उद्धव पौडेल र अर्काे नाम नखुलेका व्यक्ति घाइते भएका छन् ।

घाइतेको ग्रिन सिटी अस्पताल वसुन्धारामा उपचार भइरहेको महानगरीय प्रहरी वृत्त महाराजगञ्जका प्रहरी नायब उपरीक्षक योगेन्द्रसिंह थापाले जानकारी दिए । बस चालक र ट्याक्सी चालकलाई नियन्त्रणमा लिएर आवश्यक अनुसन्धान भइरहेको प्रहरीले जनाएको छ ।