नेपाली पहिरनमा नृत्य गर्दै संचिता

नेपाली चलचित्र ‘लिला’मा समावेश गरिएको ‘ढाकाकै चोलिमा बोलको’ गीत सार्वजनिक गरिएको छ । यो चलचित्रमा नेपाली चलचित्र क्षेत्रकी चर्चित नायिका संचिता लुइटेल र राज कुटवालको अभिनय रहेको छ । यो गीतको भिडियोमा संचिता नेपाली पहिरन चोलो र फरियामा सजिएर छमछमी नाचेकी छिन् भने राज ढाकाको दौरा सुरुवालमा चिटिक्कै परेर अभिनयमा उत्रिएका छन् । लक्ष्मण बस्नेतको शब्द, रमेश खड्काको संगीत, सचिन राई र अन्जु पन्तको स्वर रहेको छ । यो गीतको भिडियोमा सिक्किम र दार्जलिङका बिभिन्न स्थानहरु देख्न सकिन्छ । सिनेदर्पण इन्टरटेमेन्टको ब्यानरमा कृष्ण प्रसाद दंगाल प्रस्तुतकर्ता रहेको चलचित्र ‘लिला’लाई निर्देशक रमेश कोइरालाले निर्देशन गरेका हुन् । चलचित्रका कार्यकारी निर्माता सीपी पौडेल हुन् । लक्ष्मण बस्नेत, विमला घिमिरे निर्माता रहेको चलचित्रको लेखन निर्माता लक्ष्मण बस्नेतले नै गरेका हुन् । चलचित्रमा मलिना जोशी, राज कटुवाल, संचिता लुइटेल, ध्रुव कोइराला, निस्तोज निरौला, देवीराम पराजुली, पंकज नेपाल, स्वानीका बास्तोला लगायतको अभिनय रहेको छ । प्रेम, एक्सन, सस्पेन्सलाई मुख्य आधार बनाएर चलचित्रको निर्माण गरिएको छ । चलचित्र भदौ ३० गतेबाट रिलिज हुने चलचित्र बिषयले भरिपुर्ण चलचित्र भएको निर्माता प्रस्तुतकर्ता कृष्ण प्रसाद दंगालले बताए ।