डिल्लीबजार जेलबाट नै २ जना कैदी भागे

काठमाडौं, माघ ५  । काठमाडौंको डिल्लीबजार जेलबाट २ जना कैदी भागेका छन्  । लुटपाट तथा डकैती मुद्दामा जेल परेका टीकाबहादुर थापा र अर्का एकजना कैदी बिहीबार राति कारागारबाटै भागेको प्रहरीले बताएको छ ।

महानगरीय प्रहरी कार्यालय काठमाडौंका प्रवक्ता एसएसपी पूर्णचन्द्र जोशीका अनुसार बिहीबार राति कारागारबाट २ जना कैदी भागेका थिए । त्यसमध्ये एकजना राति नै भाग्दाभाग्दै पक्राउ परेका छन् भने अर्का एकजना फरार नै छन् ।

थापा रातिदेखि नै फरार रहेको र भाग्दाभाग्दै पक्राउ गरेका कैदीसँग सोधपुछ भइरहेको प्रहरीले बताएको छ ।