विराटनगर, माघ २१ । मुलुकलाई संघीयता धान्न गाह्रो पर्न सक्ने नेपाली काँग्रेसका केन्द्रीय सदस्य डा रामशरण महतले सम्भावना व्यक्त गरेका छन् ।
आज प्रेस युनियन मोरङले विराटनगरमा आयोजना गरेको पत्रकार भेटघाट कार्यक्रममा बोल्दै उनले प्रदेशहरुलाई प्रशासनिक खर्च कम गर्न र स्रोतको खोजी गर्न सल्लाह दिए । पार्टी महासमितिको बैठक चाँडो बस्नुपर्ने र पार्टीको विधानलाई संशोधन गरी नयाँ संरचना अनुरुप महाधिवेशन गर्नुपर्ने विचार व्यक्त गरे ।
भारतका विदेशमन्त्री सुष्मा स्वराजको भ्रमणका सम्बन्धमा उनले दुवै छिमेकी मुलुकबीच यस्ता भ्रमण भइरहन्छ, यस विषयमा अनावश्यक रुपमा टीकाटिप्पणी गर्नु उचित हुँदैन भन्दै जुनसुुकै सरकार आए पनि भारत र चीनसँग सन्तुलित सम्बन्ध राखेर अगाडि बढ्नुपर्ने कुरामा जोड दिए ।