मस्यौदा समितिको बैठक आज बस्दै

काठमाडौँ, फागुन १० । प्रदेशसभा नियमावली मस्यौदामाथि छलफल गर्न प्रदेश नम्वर ३ को मस्यौदा समितिको बैठक आज बस्दै छ ।

दिउँसो १ बजे प्रदेश सभा हल हेटौँडामा बैठक बस्ने प्रदेशसभा सचिवालयका उपसचिव अधिराज राईले बताएका छन् । माघ २८ गते बसेको प्रदेशसभा बैठकले नियमावली बनाउन ११ सदस्यीय समिति गठन गरेको थियो । संसद् सचिवालयले उपलब्ध गराएको नमूनालाई केही सच्याएर समितिले मस्यौदा तयार पारेको छ ।

राईका अनुसार मस्यौदामाथि आजबाट दफावार छलफल हुनेछ । छलफलले मस्यौदालाई अन्तिम रुप दिएपछि प्रदेशसभा बैठकमा सभामुखले कार्यसूचीमा राख्नेछन् । मस्यौदामा संशोधन हाल्ने समय पनि दिइने उपसचिव राईले बताए ।

प्रदेशसभा बैठकले विभिन्न संसदीय समितिहरु गठन गर्न सक्ने भए पनि त्यसका लागि नियमावली आवश्यक हुन्छ ।