- राजु थापा, क्यानडा सम्बाददाता ।
११ मार्च, २०१८
गैरआवासीय नेपाली संघ क्यानडा यूथ कमिटिले ग्रेटर टोरोन्टोमा शनिवार एक कार्यक्रमको आयोजना गरि नेपाली यूवा पासांग नाम्गेल शेर्पा “ रोबर्ट क्यानडा सकर एकेडेमी’’ बाट पोर्चुगलमा हुन गैरहेको यूथ कप सकर प्रतियोगितामा भाग लिन जान लागेकाले शुभकामना सहित बिदाई गरेको छ । साथै लालिगुराँस स्पोर्टस क्लबका तर्फबाट उपाध्यक्ष कुन्दन घिमिरेले मायाँको चिनो प्रदान गरि बिदाई तथा शुभकामना प्रदान गरेका छन् ।
नेपाली युवा पासांग प्रतियोगिता बाहेक लिस्वनको पोर्तु सकर कल्वले लिने टई आउट परिक्षामा समेत सहभागि हुनेछन् । उक्त परिक्षा पास भएमा उनी पोर्तु सकर क्लबमा अनुबन्धित हुनेछन् । विश्व चर्चित स्टइकर रोनाल्डो पहिले त्यहि क्लबबाट खेल्ने गरेका थिए ।
उक्त कार्यक्रममा एनआरएन क्यानडाका अध्यक्ष गोपिकृष्ण काफ्लेले क्यानडामा नेपाल हाउसको कार्यक्रमलाई निरन्तरता गरि अगाडी बढिरहेकोले त्यसमा सवैको सहभागितामा हुनु पर्नेमा जोड दिदै क्यानडामा यूवा गतिबिधिहरुलाई अगाडि बढाउन एनआरएन क्यानडाले विभिन्न कार्यक्रमहरु गर्दै जाने उल्लेख गर्दै एनआरएन क्यानडाले धुर्मुस सुन्तली फाउण्डेसनमा उठाएको रकम सम्बन्धित निकायमा पुगीसकेकोले त्यसमा कुनै हिनामिना नभएको प्रष्ट गरेका छन्।
एभरेष्ट तेक्वान्दो एकेडेमीको तालिम हलमा सम्पन्न उक्त कार्यक्रममा नेपाली समूदाय लगायत विभिन्न संघ संथाका पदाधिकारीहरुको उपस्थिति रहेको थियो । कार्यक्रममा गैरआवासीय नेपाली संघ ग्लोबल यूथ संयोजक सुदन थापाको समेत उपस्थिति रहेको थियो । कार्यक्रमका लागि रियल्टर सुनन्द सुवेदी र पूण्य बिक्रम शाहि लगायत ईन्सुरेन्स एडभाईजर राजन श्रेष्ठले स्पन्सर गरेका थिए । कार्यक्रम एनआरएन क्यानडा यूथ संयोजक क्रिज्जल केसीको संयोजकत्वमा सम्पन्न भएको थियो ।