जंगलमा झुण्डिएको अवस्थामा शव फेला

कञ्चनपुर, चैत ८ । कञ्चनपुरको शुक्लाफाँटा नगरपालिका– ८ पिलरिफाँटाका ४५ वर्षीय मदनबहादुर बुढा घरबाट हराएको बाइस दिनपछि मृत अवस्थामा भेटिएका छन् ।

उनलाई गाउँ नजिकैको बर्रेगडामा झुण्डिएको अवस्थामा भेटिएको हो । बुढालाई झुिण्डएको अवस्थामा देखेपछि स्थानीय बासिन्दाले बुधबार साँझ प्रहरीलाई खबर गरेका थिए ।

इलाका प्रहरी कार्यालय झलारीका प्रहरी निरीक्षक मोहन साउदले बुढाको शव झुण्डिएको अवस्थामा फेला परेको बताए । शव कुहिएको अवस्थामा फेला परेको उनको भनाई छ । शव नजिकै एक हँसियासमेत फेला परेको छ ।

शव परीक्षणका लागि महाकाली अञ्चल अस्पताल पठाइएको छ ।