म्यानमारमा बुधबार राष्ट्रपतिको निर्वाचन हुँदै

म्यानमार, चैत १२ । म्यानमारमा अगामी बुधबार राष्ट्रपति पदको निर्वाचन हुने भएको छ । गत बुधबार त्यहाँका राष्ट्रपति उ तिन कायले आफ्नो पदबाट राजीनामा दिए पछि सो पदको लागि निर्वाचन हुन लागेको हो ।

बुधबार हुन गइरहेको राष्ट्रपतीय निर्वाचनको लागि सोमबार उम्मेदवार दर्ताको लागि दर्खास्त आह्वान गरिएको म्यानमार संसद्को सचिवालयले सोमबार घोषणा गरेको छ । म्यानमारको संसद्का नवनियुक्त सभामुख यु माह्न विन तानद्वारा सोमबार यस निर्वाचनका बारेमा जानकारी दिएको संसद् स्रोतले जनाएको छ ।

राष्ट्रपति उ तिन कायले आफ्नो स्वाथ्यको कारण देखाउँदै पदबाट राजीनामा दिएको जानकारी त्यहाँका सञ्चारमाध्यमहरुले जनाएका छन् । म्यानमारमा राष्ट्रपतिले राजीनामा दिएपछि बढीमा सात दिनभित्र नयाँ राष्ट्रपति चयन गरिसक्नुपर्ने संवैधानिक प्रावधान रहेको छ ।

राष्ट्रपति पद खाली भएपछि यस अवधिमा वर्तमान उपराष्ट्रपति उ मिन्त स्वेले कार्यबाहक राष्ट्रपतिका रुपमा कार्यरत छन् । यस निर्वाचनमा उनको पनि एकजना उम्मेदवार हुनुहुने बताइएको छ । पूर्व राष्ट्रपति ७२ वर्षीय काय सन् २०१६ मा निर्वाचित भएका थिए । उनले अस्वस्थताका कारण आराम गर्न आफ्नो पदबाट राजीनामा दिएको स्पष्ट गरिसकेका छन् ।