कक्षा ११ र १२ को परीक्षा मर्यादित र व्यवस्थित बनाइने

भक्तपुर, वैशाख ११ । यही शुक्रबारदेखि हुन लागेको कक्षा १२ र वैशाख ३० गतेदेखि सञ्चालन हुने कक्षा ११ को परीक्षालाई व्यवस्थित, मर्यादित र विश्वासिलो बनाउन केन्द्राध्यक्षको गोष्ठी सञ्चालन भएको छ ।

राष्ट्रिय परीक्षा बोर्ड शाखा कार्यालय काठमाडौंँले आयोजना गरेको गोष्ठीमा सहभागी भएका व्यक्तहरुले भक्तपुरमा परीक्षालाई नमूनाका रुपमा सञ्चालन गर्ने बताएका छन् । नियमित विद्यार्थीका हकमा सम्भव भएसम्म पोशाक अनिवार्य गर्न, परीक्षा कक्षमा परीक्षार्थीले लगबुक, ग्राफपेपर, क्यालकुलेटर, गोश्वारा भौचर, कलम, मसी, इन्स्टु«मेण्ट बक्स र मलेप फाराम मात्र लान पाउने व्यवस्था गर्ने, परीक्षा सञ्चालन अवधिमा समस्या आएमा सम्बन्धित निकायमा टिपाउने र प्राप्त निर्देशन बमोजिम परीक्षा सञ्चालन गर्ने प्रतिबद्घता जनाएका छन्

। कार्यक्रममा प्रजिअ एवं जिल्ला परीक्षा समन्वय समितिका अध्यक्ष द्रोण पोखरेलले उपलब्ध स्रोत साधनलाई अधिकतम प्रयोग गरेर भक्तपुरमा कक्षा ११ र १२ को परीक्षालाई नमूनाका रुपमा सञ्चालन गर्न सरोकार भएका सबैमा अनुरोध गरे ।

परीक्षा बोर्ड शाखा कार्यालय काठमाडौँंका प्रमुख जंगबहादुर अर्यालले परीक्षाको आचारसंहिता पूर्णरुपमा पालना गर्दै काम गर्न अनुरोध गरेका छन् ।

जिल्ला शिक्षा विकास तथा समन्वय समितिका प्रमुख अर्जुन रायमाझीले नयाँ संरचनामा सबैको चासो रहने कक्षा ११ र १२ को परीक्षा थप मर्यादित र व्यवस्थित बनाउन सरोकार भएका सबैको उत्तिकै जिम्मेवारी रहेको बताए ।