एकै खाले चलचित्रमा अभिनय गर्छ भन्ने आरोपबाट अब मुक्त हुन्छु : खगेन्द्र लामिछाने

काठमाडौं, वैशाख १९ । रंगमञ्चको दुनियाँमा चलचित्र ‘पशुपति प्रसाद’ का अभिनेता तथा लेखक खगेन्द्र लामिछानेको परिचय आजभोली निकै चौडिएको छ । ‘पशुपति प्रसाद’ पश्चात उनको नाम तथा लोकप्रियता एका एक बढेको छ । हुनत त्यसअघि नै उनी ‘बधशाला’, ‘टलकजङ भर्सेज टुल्के’ बाट राम्रो अभिनेतामा स्थापित भइसकेका थिए । रंगमञ्चमा राम्रो कलाकार र नाटक लेखनमा उनको परिचय छँदै थियो तर पनि चलचित्र ‘पशुपति प्रसाद’ले उनलाइै छुट्टै निनारी दिलाएको छ ।

‘लार्जर देन लाइफ’ को परिचयबाट नेपाली फिल्ममा यथार्थको उडान सुरू भएसँगै खगेन्द्रजस्तो सामान्य अनुहारका मान्छे फिल्मका मूल कथाका मूलपात्र बन्न थाले । उनीहरुको अनुहार कथाले मागेनुसार नै फिट भएपछि दर्शकको माया दिनानु दिन बढ्न थाल्यो ।

सुरूवाती दिनहरुमा उनको अभिनयको निकै नै प्रशंसा पाए र उनको चलचित्रको संख्या बढेसँगै सँधै एकै खाले चलचित्रमा अभिनय गरेको भन्दै ‘स्टेरियोटाइप’ हुन लागेको आरोप पनि निकै सुनिन्छ । जसलाई उनी आंशिक रूपमा स्वीकार्छन् ।

लामिछाने गत वर्ष ‘धनपति’ बाट दर्शकमाझ आएका थिए । आउने शुक्रबारदेखि उनको नयाँ फिल्म रिलिज हुँदैछ । यसपालि उनले कुनै समय नेपालको राष्ट्रिय खेल ‘डण्डिवियो’ को कथा भन्नेछन् ।