कर्मचारीको तलब आगामी आर्थिक बर्ष नबढ्ने

काठमाडौं, जेठ १० । निजामति कर्मचारीको तलब आगामी आर्थिक बर्ष बढाउन नसकिने अर्थमन्त्री डा. यूवराज खतिवडाले जनाएका छन् ।

आजको कारोबार दैनिकको समाचारका अनुसार तलब बढाउन माग राख्दै बुधबार अर्थ मन्त्रालय पुगेका निजामति कर्मचारीहरुको आधिकारीक ट्रेड युनियनका प्रतिनिधिलाई उनले आगामी आर्थिक बर्षको बजेटमा कर्मचारीको तलब नबढ्ने बताएका हुन् ।

कर्मचारी युनियनले मुख्यसचिवको डेढ लाख र कार्यालय सहयोगीको ३० हजार रुपैयाँ तलब बनाउनुपर्ने माग छ । उक्त अवसरमा युनियनले आफ्नो १८ बुँदै माग राखेको थियो ।