नेपाली कांग्रेसका प्रभावशाली नेता तथा केन्द्रीय सदस्य डा शेखर कोइरालाले संघीय संसदमा आफ्नो पार्टीले शसक्त प्रतिपक्षको भूमिका निर्वाह गर्न नसकेको आरोप लगाएका छन ।
सरकारको नीति तथा कार्यक्रममा कांग्रेस मौन बसेपछि डा कोइरालाले आज गृह नगर विराटनगरको एक कार्यक्रममा बोल्दै यस्तो अभिव्यक्ती दिएका हुन । गुराॅस पुस्तकालको ४८ औ स्थापना दिवशको अवसरमा बोल्दै कांग्रेस नेता कोइरालाले सरकारको नीति तथा कार्यक्रममा कांग्रेसले समर्थन जनाउनु पथ्र्यौ या विरोध गर्नुपर्दथ्यो । मौन बस्नु दुर्भाग्य हो, यसले लोकतन्त्रलाई कमजोर बनाउछ ।
कांग्रेस मौन बस्नुले विरोध वा समर्थन के गरेको बुझ्न सकिएन भन्दै कोइरालाले जिज्ञासा राखे । कांग्रेस सभापति शेरवहादुर देउवाको कार्यशैली प्रति असन्तुष्ठ देखिदै आएका कोइरालाले पार्टीमा जस्तै संसदमा पनि कांग्रेसको उपस्थिति सभापतिले कमजोर बनाएको टिप्पणी समेत गरेका छन् ।
संसदमा प्रतिपक्ष कमजोर बन्दा लोकतन्त्र कमजोर बन्ने खतरा बढ्दै गएको संकेत गर्दै कोइरालाले भने , कांग्रेसले प्रतिपक्ष जस्तो व्यवहार पनि देखाउन सकेन र काम पनि गर्न सकेन । संसदमा कांग्रेसको उपस्थिति न्यून भएपनि भूमिका शसक्त हुनुपर्ने उनले प्रष्ट परेका छन् । प्रतिपक्षी सशक्त हुन नसक्दा सरकार तानाशाही बन्दै जाने उनले ठोकुवा गरे ।
आफ्नो कार्यकाल अझै ३ बर्ष बाकी रहेको सार्वजनिक अभिव्क्ती दिदै हिडेका सभापति देउवालाई कोइरालाले प्रश्न गर्दै भने विधान अनुसार निर्वाचित भएका सभापति विधान अनुसारनै १ बर्ष ९ महिनापछि स्वत हटनु हुनेछ । यसैपनि प्रधानमन्त्री केपी शर्मा ओलीका पछिल्ला गतिविधिले लोकतन्त्र गुम्ने त होइन भन्ने काला बादलहरु देखापरिरहेको कोइरालाले बताए ।
उनले भने कांग्रेस अब सशक्त प्रतिपक्षी बन्न सकेन भने प्राप्त उपल्ब्धि गुमेर जाने खतरा बढन सक्छ । गणतन्त्र दिवसको अवसरमा वालकृष्ण ढुंगेललाई आम माफी दिने ओली सरकारको रवैयाले प्राप्त लोकतन्त्र गुम्ने खतर बढेको उनको संकेत थियो । डा कोईरालाले न्यायपालिका दिनानु दिन कम्जोर हुदै गएको प्रति दुःख व्यक्त गरे । न्यायपालिकामा पछिल्लो समय राजनीतिक चलखेल हुनु दुर्भाग्यको कुरा रहेको उनले प्रष्ट्याए ।