मंगलबार देखि अठार वर्षमुनिकाको फुटबल प्रतियोगिता हुँदै

काठमाडौँ, जेठ २७ । अखिल नेपाल फुटबल संघको आयोजनामा ललित स्मृति अठार वर्षमुनिको फुटबल प्रतियोगिता हुने पक्का भएको छ ।

यही मंगलबार जेठ २९ देखि असार २१ गतेसम्म सञ्चालन हुने उक्त प्रतियोगितामा त्रिभुवन आर्मी क्लब, नेपाल प्रहरी क्लब, एपिएफ, मछिन्द्र क्लब, सरस्वती क्लब, हिमालयन शेर्पा, थ्रि स्टारलगायत विभिन्न १८ टोलीले भाग लिने एन्फाले आज पत्रकार सम्मेलन गरी जानकारी गराएको हो ।

उक्त प्रतियोगिताको विजेताले रु तीन लाख र उपविजेताले रु एक लाख ५० हजार पुरस्कार पाउने आयोजक एन्फाले बताएको छ ।