नेविसंघद्वारा माइतिघरमा सांकेतिक विरोध प्रदर्शन

मुल्य वृद्धिको विरुद्धमा देशव्यापी आन्दोलनमा उत्रिएको नेपाल विद्यार्थी संघले आज माइतिघरमा सांकेतिक विरोध प्रदर्शन गरेको छ ।

कानुनी र प्राज्ञिक क्षेत्रमा सरकारले गरेको हस्तक्षेपको विरुद्धमा सांकेतिक विरोध प्रदर्शन गरेको हो । मूल्य समायोजनको नाममा सरकारले अन्तर्राष्ट्रिय बजारमा मुल्य घट्दा नेपालमा बढाउने कार्य गरेको र एकै महिनामा पटकपटक पेट्रोलियम पदार्थको मूल्य वृद्धि गरेको भन्दै नेविसंघले आन्दोलित हुँदै आएको थियो ।

यस अघि नेविसंघले पहिलो र दोश्रो चरणका कार्यक्रम अन्तर्गत गत जेठ २७ गते सबै जिल्ला सदरमुकाममा सिठ्ठी जुलुस, २९ गते मसाल जुलुस र ३१ गते पुत्ला दहन गर्ने कार्यक्रम सम्पन्न गरिसकेको छ ।