काठमाडौँ, साउन १० । शेयर बजार आज पनि सामान्य अंकले ओरालो लागेको छ । शेयर बजार मापक नेप्से परिसूचक ३.१५ बिन्दुले ओरालो लागेर एक हजार १९१.२० बिन्दुमा पुगेको नेपाल स्टक एक्सचेञ्जले बताएको छ ।
यस्तै क वर्गका कम्पनीको शेयर मापन गर्ने सेन्सेटिभ परिसूचकसमेत ०.७५ बिन्दुले घटेर २५०.९६ बिन्दुमा पुगेको छ । कूल १६३ कम्पनीको सात लाख ९२ हजार ५५ कित्ता शेयर रु १९ करोड ३० लाख २८ हजार १२४ मूल्यमा खरिद बिक्री भएको छ ।
आज होटल उपसमूहबाहेक अरु सबै उपमूहको शेयर ओरालो लागेको स्टकले जनाएको छ ।
बैंकिङ १.४४, विकास बैंक १.९८, जलविद्युत् १४.७९, फाइनान्स २.६८, निर्जीवन बीमा २७.१७, उत्पादन स्थिर, अन्य ०.५६, माइक्रोफाइनान्स १५.१६ र बीमा ४९.०८ बिन्दुले ओरालो लागेको छ । होटल समूह भने ४४.५५ बिन्दुले उकालो लागेको छ ।