प्लेयर अफ दि इयरको अन्तिम तीनमा लुका मोडरिक, क्रिष्टियानो रोनाल्डो र मोहम्मद सलाह यूईएफए परेका छन् ।
गएराति युरोपियन फुटबल महासंघद्वारा सार्वजनिक सुचिमा रियल मड्रिडका पूर्व मिडफिल्डर तथा युभेन्टसका स्ट्राइकर रोनाल्डोसँगै लिभरपुलका स्ट्राइकर मोहम्मद सलाह र रियलका मिडफिल्डर मड्रिचलाई अन्तिम सुचिमा छनोट गरेको हो ।
लिओनल मेस्सी अन्तिम १० बाटै बाहिरिए छन् भने नेइमार मनोनयनमा नै पर्न सकेनन् । युरोपका ८० प्रशिक्षक र ५५ पत्रकारको मतका आधारमा तीन खेलाडीको अन्तिम सुचि निकालेको हो ।
यो अवार्ड अगस्ट ३० मा च्याम्पियन्स लिगको समुह चरणको ड्र का बेला मोनाकोमा दिइनेछ । यस्तै महिला तर्फ पेरनिली हारडेर, अदा हेगरबर्ग र अमान्डाइन हेनरी अन्तिम छनोटमा परेका छन् ।
हाल किर्तीमानी ९९ मिलियन पाउण्डमा युभेन्टस गएका रोनाल्डोले गत बर्षको पुरुष तर्फको अवार्ड जित्न सफल भएका थिए ।
अब रियल मड्रिडका मिडफिल्डर मोडरिक, युभेन्टसका रोनाल्डो र लिभरपुलका सलाह मध्येबाट ८० प्रशिक्षक र ५५ पत्रकारको मतबाट एक जना विजेता हुनेछन् । एजेन्सी
