प्राध्यापकहरु कक्षा बहिष्कार गर्दै आन्दोलित

काठमाडौँ, भदौ १० । त्रिभुवन विश्वविद्यालय प्राणी शास्त्र केन्द्रीय विभागका प्राध्यापकहरुले कनिष्ठलाई प्रमुखको जिम्मेवारी दिइएको भन्दै कक्षा बहिष्कार गरेका छन् ।

यही भदौ ८ गते शुक्रबारदेखि विभागका वरिष्ठ प्राध्यापकले कक्षा बहिष्कार गरेका हुन् । प्रा डा तेजबहादुर थापालाई विभागको प्रमुखमा उपकुलपतिको कार्यालयले यही भदौ ६ गते नियुक्ति दिएपछि वरिष्ठ प्राध्यापकहरु आन्दोलनमा उत्रिएका हुन् ।

प्रमुख थापाभन्दा वरिष्ठ प्राध्यापकहरु सूूर्यरत्न गुभाजु, प्रा डा रञ्जना गुप्ता, प्रा डा रमेशकुमार श्रेष्ठ, प्रा डा कुमार सापकोटा तथा प्रा डा नन्दबहादुर सिंह छन् ।

प्रा डा नन्दबहादुर सिंहले विभागको ५३ वर्षको इतिहासमा वरिष्ठलाई पन्छाएर कनिष्ठलाई प्रमुख बनाइएको जनाए ।