काठमाडौँ, भदौ १० । आज बसेको प्रतिनिधसभाको विशेष बैठकमा बोल्दै राजपाका अनिलकुमार झाले लालबकैया नदीमा डुङ्गा पल्टिएर बेपत्ता भएका परिवारलाई जनही रु १० लाखका दरले क्षतिपूर्ति दिन सरकारसँग माग गरे ।
रौतहट जिल्लामा पर्ने उक्त नदीमा शनिबार डुङ्गा पल्टिँदा ३५ जना डुबेका थिए भने तीमध्ये तीन जना बेपत्ता भएका छन् । लालबकैयामा अझैसम्म पुल निर्माण हुनसकेको छैन । सो शिलान्यास २०७० सालमा भइसकेको छ ।
त्यसैगरी नेकपाका भीमबहादुर रावलले कञ्चनपुर जिल्लाको भीमदत्त नगरपालिकमा केही दिन पहिले निर्मला पन्तको बलात्कारपछि भएको हत्याको निन्दा गर्दै घटनाको उचित अनुसन्धान र छानबिन गरी हत्यारालाई कानूनको कठघराभित्र उभ्याउनुपर्ने बताए ।
0
Shares
