मङ्सिर १५ गते दोस्रो राष्ट्रिय कविता महोत्सव हुँदै

नुवाकोट, भदौ २९ । आगामी मङ्सिर १५ गते नुवाकोटमा दोस्रो राष्ट्रिय कविता महोत्सव हुने भएको छ ।

प्रतियोगितामा पहिलो हुनेलाई रु ५० हजार, दोस्रो हुनेलाई रु ३० हजार र तृतीय हुने दुई जनालाई जनही रु २० हजार दिइने नुवाकोट साहित्य प्रतिष्ठानका संस्थापक अध्यक्ष श्रीराम श्रेष्ठले बताएका छन् ।

प्रतियोगितामा सहभागी हुन इच्छुक सर्जकले आगामी कात्तिक १५ गतेभित्र कविता पठाइसक्नुपर्ने आयोजकले बताएको छ । प्रतिष्ठानले २०७३ वैशाख ३ गते पहिलो राष्ट्रिय कविता महोत्सव आयोजना गरेको थियो ।