एपिएफको मुख्य प्रशिक्षकमा तामाङ नियुक्त

काठमाडौँ, असोज १ । राजेन्द्र तामाङ सशस्त्र प्रहरी बलको एपिएफ क्लबको मुख्य प्रशिक्षकमा नियुक्त भएका छन् ।

सशस्त्र प्रहरी बल खेलकूद महाशाखाले ‘ए’ डिभिजन लिग हुने भएपछि एपिएफले तामाङलाई ६ महिनाका लागि मुख्य प्रशिक्षकमा नियुक्त गरेको बताएको छ ।

तामाङले यसअघि थ्री स्टार र मनाङ मस्र्याङ्दी क्लबको प्रशिक्षकको भूमिका निभाइसकेका छन् । ‘ए’ डिभिजन लिग यही असोज १३ गतेदेखि हुँदैछ । तामाङले २०६७ सालमा मच्छिन्द्र क्लबबाट खेल्दै खेलबाट सन्यास लिएका हुन् ।