जिप दुर्घटना हुँदा नौ जना घाइते

दुल्लु, असोज ५ । कर्णाली राजमार्ग अन्तर्गतको दैलेख खण्डमा भे१ज ९७९ नम्बरको जिप दुर्घटना भएको छ । आज बिहान भएको उक्त दुर्घटनामा परि नौ जना यात्रु घाइते भएका छन् ।

जुम्लाबाट सुर्खेततर्फ आउँदै गरेको जिप कर्णाली राजमार्गमा दुर्घटना हुँदा जिपमा सवार १० जनामध्ये नौ यात्रु घाइते भएका हुन् ।

बुलबुले यातायात प्रालिको जिप दैलेखको आठबिस नगरपालिका–१ डावमा दुर्घटना भएको हो । बिहान २ः३० बजे जिप दुर्घटना भएको जिल्ला प्रहरी कार्यालय दैलेखका प्रमुख प्रहरी नायब उपरीक्षक ठाकुरप्रसाद पोखरेलले बताए ।

दुर्घटनामा घाइते नौ जनाको क्षेत्रीय अस्पताल सुर्खेतमा उपचार भइरहेको छ । जिप सडकदेखि करीब ६० मिटर तल खसेको प्रहरीले जनाएको छ ।