सरकारलाई संविधान कार्यान्वयनका विषयमा सहयोग गर्ने : थापा

पाल्पा, असोज ८ । सरकारलाई संविधान कार्यान्वयनका विषयमा सहयोग गरिने नेपाली कांग्रेसका केन्द्रीय सदस्य तथा पूर्वस्वास्थ्यमन्त्री गगनकुमार थापाले बताएका छन् ।

उनले सरकारको गुण र दोषका आधारमा कांग्रेसले सरकारको विरोध र सहयोग गर्ने जनाएका छन् । नेपाल प्रेस युनियन पाल्पाले आज बिहान तानसेनमा आयोजना गरेको पत्रकार सम्मेलनमा नेता थापाले सरकारले समयभित्र कानून बनाउने विषयमा नेपाली कांग्रेसले सहयोग गर्ने प्रस्ट पारे ।

यसैबीच प्रेस युनियन पाल्पाका नवनिवाचित पदाधिकारीले पदस्थापना गरेका छन् । युनियनका पदाधिकारीलाई पूर्वमन्त्री थापाले प्रमाणपत्र हस्तान्तरण गरेका थिए ।