नगरपालिकाका केहि कर्मचारी र आफ्नो परिबार सहित निजी भ्रमणमा रारा गएको स्याङजाको चापाकोट नगरप्रमुख शिव गिरीको टोलीलाई कालीकोट जिल्लामा होटलमा आक्रमण हुँंदा दुबै पक्षका आधादर्जन ब्यक्ती घाइते भएका छन् ।
बिहीबार रारा भ्रमणको लागि निस्किएको नगरपालिकाका प्रमुख मेयरको टोली शनिबार बेलुका रारा ताल पुगेर फर्किएपछि कालीकोटको स्थानीय एक होटलमा बास बसेको थियो । बास बसेको ठाउँंमा खानपीन भैरहेको अवस्थामा उत्तेजक भिडले काँंग्रेशी भन्दै आक्रमण गर्दा मेयर गिरीको टोली र भक्तपुरको टोली बिच भडिन्त हुन पुगेको थियो ।
यस्तै गिरीका स्वीकय सचीव राजकुमार मल्ललाई सानो चोट लागेको छ । यसरी नै नगर प्रहरी इन्र्चाज शोभित थापालाई ४ वटा र चालक सुनिक एसकेलाई ५ वटा टाँका लगाइएको स्थानिय प्रत्यक्षदर्शीले जानकारी दिए ।
प्रजिअ कार्कीका अनुसार भक्तपुर जिल्लाबाट रारा भ्रमण आएको ठुलो टोली र चापाकोट नगरपालिकाको मेयरको टोली एउटै होटलमा बास बसेका थिए । च्याङग्राको मासु पोलेर खाने बेला भक्तपुरका केहि ब्यक्तीले अपशब्द बोल्दै चापाकोटमा मेयरमाथि आक्रमण गरेपछि होटलमा भिडन्त भएको थियो ।
भिडन्तमा दुबैपक्षका केहि घाइते हुन पुगेका छन । प्रहरीले भक्तपुरका आक्रमणकारीलाई अनुसन्धानका लागि प्रहरीमा राखेको छ । मेयर शिव गिरी भने सामान्य चोटपछि आफ्जना् गृह नगर स्याङजा फर्केका छन ।
