व्यापार गर नेताज्यु 

शक्तिमा हुँदा सम्पत्ति मात्र हेर्ने ।
अाफ्ना अाफन्तलाई मात्र सेक्ने ।।
देशकाे भलाे कहिल्यै नचिताउने ।
काममा कहिल्यै समय नबिताउने ।।

उद्घाटन रिबन काट्न मात्र ताक्ने ।
उपलब्धि सुन्य भाषण फलाक्ने ।।
चुनावमा उद्योग धन्धा अालाप्ने ।
युवानिकासी अफिस अाफै राख्ने ।।

मन्त्री , राजदुत बन्न रकम बुझ्ने ।
श्रीमती र ससुराली सामु झुक्ने ।।
यस्तैलाई हालिमुवालि सुम्पियाै ।
धिक्कार ! तिमी देशकै अभिसाप !!

अझै फलझर्ने अासमा ब्वाँसा घुम्दै ।
मिडियामा बाेल्छन् मेरा नेता उम्दा ।।
उता जनताले समेत चिनिसकेछन् ।
यता तिमीलाई काैडिमा किनिसकेछन् ।।

अब यिनलाई जनताले पत्याउलान् ?
फेरि त्यतै भाेट समेत खत्याउलान् ??
भाे भाे ! अब त रत्तिभर अास नगर ।
नेता हाईन अब खासाकाे व्यापार गर ।।