विद्यार्थीले त्रिवि परीक्षा सम्बन्धि सूचना फोनबाटै प्राप्त गर्न सकिने

काठमाडौँ, मङ्सिर ६ । त्रिभुवन विश्वविद्यालय, परीक्षा नियन्त्रण कार्यालयको परीक्षासम्बन्धी सूचना टेलिफोनबाटै प्राप्त गर्न पाइने भएकोे छ ।

त्रिविले विद्यार्थी र अभिभावकको सुविधालाई मध्यनजर गर्दै सही सूचना प्रदान गर्ने उद्देश्यका साथ यस्तो सेवा उपलब्ध गराइएको परीक्षा नियन्त्रक पुष्पराज जोशीले बताए ।

विद्यार्थीले परीक्षा नियन्त्रण कार्यालयको परीक्षासँग सम्बन्धित विविध जानकारी कार्यालय समयभित्र त्रिविले उपलब्ध गराएको टेलिफोन नम्बर ४६७२६३२ र ४२८४१६७ बाट जानकारी लिन सक्नेछन् ।