हास्यकलाकार दिपाश्री निरौलाको निर्देशनमा बनेको चलचित्र ‘छक्का पन्जा २’को ‘ए दाजु नसमाउ नाडीमा’ बोलको गीत सार्वजनिक भएको छ ।
असोज ११ गतेबाट रिलिज हुने भनिएको चलचित्र ‘छक्का पन्जा २’को टिजर सार्वजनिक भएको केही दिनपछि पहिलो गीत सार्वजनिक गरिएको हो । अल्मोडा राना उप्रेती र सुजता बर्माको स्वर छ रहेको उक्त गीतमा प्रिन्स र अल्मोडाको संगीत रहेको छ भने प्रिन्स र दीपकराज गिरीको शब्द रहेको पाइन्छ ।
गीतको भिडियोमा चलचित्रका मुख्य कलाकार जीतु नेपाल, केदार घिमिरे, बर्षा राउत, स्वस्तिमा खड्का, स्वरुप पुरुष ढकालको अभिनय देख्न सकिन्छ । चलचित्रमा दीपकराज गिरी, प्रियंका कार्की, शिवहरि पौडेल, बुद्धि तामाङ लगायतका कलाकारको पनि मुख्य भूमिका रहेको छ ।
दीपाश्री निरौलाले निर्देशन गरेको उक्त चलचित्रमा कविराज गहतराजको कोरियोग्राफी, रोशन श्रेष्ठको एक्सन, विपिन मल्लको सम्पादन, दिर्घ गुरुङको छायांकन रहेको छ भने चलचित्रका कार्यकारी निर्माता विकास आचार्य हुन् ।
