सिटिजन्स बैंक इन्टरनेसनल लिमिटेड र डिल्लिबजार, चारखाल स्थित सिद्धि पोलि प्याथ ल्याब प्रा. लि बिच सहकार्य गर्ने सम्बन्धी समझदारीपत्रमा हस्ताक्षर भएको छ ।
उक्त सम्झौतापत्रमा बैंककातर्फबाट प्रमुख संचालन अधिकृत श्री पारस कुमार काफ्ले तथा प्याथ ल्याबकातर्फबाट उक्त ल्याबका डाईरेक्टर डा विश्व श्रेष्ठले हस्ताक्षर गरेका हुन् ।
यस सम्झौतापश्चात सिटिजन्स बैंकका डेबिट/क्रेडिट कार्ड वाहक ग्राहकहरुले सिद्धि पोलि प्याथ ल्याबको प्रयोगशालामा जाँच गराउँदा बिशेष छुट पाउँने भएका छन् । यस किसिमको सहकार्यबाट बैंकका ग्राहकहरु लाभान्वित हुने विश्वास बैंकले लिएको प्रमुख संचालन अधिकृत काफ्लेले बताएका छन् ।
सिटिजन्स बैंक इन्टरनेसनल लिमिटेडले देशैभरी फैलिएर रहेका आफ्ना ८० वटा शाखा, ७५ वटा ए.टि.एम. र ९९ वटा शाखा रहित बैंकिङ्ग एकाईहरुबाट करिव तीन लाख पचास हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।
आफ्नो ग्राहकवर्गहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैंक इन्स्योरेन्स, आस्वा, ड्राफ्ट, भिसा ए.टि.एम.कार्ड सेवा, भिसा इन्टरनेसनल डलर कार्ड सेवा साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध गराउँदै आएको छ ।
