‘ए’ डिभिजन लिग अन्तर्गत आज दुई खेल हुँदै

काठमाडौँ, मंसिर २० । शहीद स्मारक ‘ए’ डिभिजन लिग अन्तर्गतको छैटौँ चरणको अन्तिम दिनको खेलमा आज दुई खेल हुँदैछन् ।

सातदोबाटोस्थित एन्फा मैदानमा हुने सो खेलमा फ्रेण्ड्स क्लबले त्रिभुवन आर्मी क्लबसँग प्रतिस्पर्धा गर्नेछ भने दोस्रो खेलमा ब्रिगेड ब्वाइज क्लबले मछिन्द्र क्लबसँग प्रतिस्पर्धा गर्नेछ ।

लिगको उपाधि दाबेदार विभागीय टोली त्रिभुवन आर्मी क्लबलाई फ्रेण्ड्सविरुद्व जीत निकाल्दै तालिकाको दोस्रो स्थानमा उक्लिने मौका छ ।

पहिलो खेलमा न्यूरोड टिम (एनआरटी) सँग २–२ को बराबरीमा रोकिएपछि आर्मीले लगातार चार खेलमा जीत हासिल गरेको छ ।

आर्मी पाँच खेलबाट १३ अङ्कसहित तालिकाको चौथो स्थानमा छ । फ्रेण्ड्स चार अङ्कसहित तालिकाको १०आँै स्थानमा छ । ब्रिगेड पाँच खेलबाट तीन अङ्क जोडेर १२औँ स्थानमा रहँदा मछिन्द्र दुई अङ्कका साथ तालिकाको १३आँै स्थानमा छ ।