नेपालका युवा लेग स्पिनर सन्दिप लामिछाने अस्ट्रेलियन ब्यवशायीक क्रिकेट लिग बिगब्यासमा मेर्लबर्न स्टारर्सकोतर्फ वाट शुक्रबार क्यानबेराको मानुका रंगशालामा उत्रदैछन ।
मेलवर्नले बिग ब्यास लिगको पहिलो खेल शुक्रबार सिडनी थन्डर्सविरुद्ध खेल्दैछ । बिग ब्यास लिगमा मेर्लबर्न स्टार्सको नेतृत्व चर्चित क्रिकेटर ग्लेन म्याक्सवेलले गर्दैछन् ।मेलवर्न स्टार्समा माइकल बियर, ड्वाइने ब्राभो, एडम जाम्पा, मार्कस स्टोइन्स जस्ता खेलाडीहरु छन्।मेर्लबर्न स्टार्सले लिगको पहिलो खेल अन्तर्गत डिसेम्बर २१ तारिक शुक्रबार बेलुका क्यानबेरामा सिड्नी थन्डर्सको सामना गर्दैछ ।सिड्नी थन्डर्सको कप्तानी शेन वाटसनले गर्दै छन् र टिममा जोस बटलर, जोय रुट, प्याट कुमिन्स जस्ता खेलाडीहरु रहेका छन्।
सन्दिप लामिछानेको टिम मेर्लबर्न स्टारर्सले खेल सुरु हुनु अघिल्लो दिन सन्दिप लामिछानेलाई अन्तिम सुचिमा )१३ खेलाडीको सुचीमा )राखेको छ। बिहिबार बिहान स्टार्सले आफ्नो अधिकारिक वेबसाइटमा सन्दिप सहित सिड्नी थन्डर्ससंग खेल्ने सम्भावित १३ खेलाडीहरुको नाम सार्वजनिक गरेको हो ।
जसमा सन्दिप पनि समावेश रहेका छन्। सिड्नी थन्डर्ससंग खेल्ने सम्भावित १३ खेलाडीहरुको सुचीमा ग्लेन म्याक्सवेल ( कप्तान ) , माइकल बियर, स्कट बोलान्ड, ड्वाइने ब्राभो, ज्याकसन कोलम्यान, ट्रेभिस डिन, बेन डंक, इभन गुल्बिस सन्दिप लामिछाने, निक लार्किन, लान्स मोरिस, मार्कस स्टोइन्स र एडम जाम्पा रहेका छन ।
अस्ट्रेलियाको ब्यवशायीक क्रिकेट लिग बीगब्यासमा एउटा टिमले अन्तिम(११ मा २ जना मात्र बिदेशी खेलाडी राख्न पाउछ । मेर्लबर्नले सार्वजनिक गरेको १३ खेलाडीको सुचीमा सन्दिप र वेस्ट इन्डिज क्रिकेटर डइने ब्राभो मात्रै २ बिदेशी खेलाडी रहेको हुनाले भोलिको खेलमा सन्दिपको खेल्ने संभावना प्रबल भएको हो ।
बिग ब्यास क्रिकेटमा एडलेड स्ट्राईकर, ब्रिसबेन हिट, होबार्ट हरिकेन्स, मेलबर्न रेनेगेड्स, मेलबर्न स्केर्चर्स, सिड्नी सिक्सर्स र सिड्नी थन्डर गरि ८ टिम समावेश रहेका छन्। राउण्ड रोबिन र नकआउट चरणमा हुने प्रतियोगिताको पछिल्लो संस्करण एडिलेड स्ट्राईकरले जितेको थियो ।
