काठमाडौँ, पुस ६ । ललितपुरको चापागाउँमा आजदेखि ललितपुर जिल्ला किक बक्सिङ संघको आयोजनामा दोस्रो वीर गणेशमान सिंह स्मृति राष्ट्रिय खुला किक बक्सिङ प्रतियोगिता भएको छ ।
प्रतियोगिताको नेपाली कांग्रेसका उपसभापति विजयकुमार गच्छदारले उद्घाटन गरे । प्रतियोगिताको पुरुषमा १० तथा महिलामा दुई गरी १२ स्पर्धामा १४८ खेलाडीको सहभागिता रहेको राष्ट्रिय खेलकूद परिषद्का पूर्वकोषाध्यक्ष मीनकृष्ण महर्जनले बताए ।
प्रत्येक तौल समूहमा पहिलो हुनेले रु २० हजार, दोस्रोले रु १० हजार र तेस्रो हुनेले रु पाँच÷पाँच हजार पुरस्कार पाउनेछन् । टोलीमा शीर्ष तीन स्थान हात पार्नेले क्रमशः रु ५०, २५, र रु १२ हजार ५०० पुरस्कार प्राप्त गर्नेछन् ।
उत्कृष्ट पुरुष/महिला खेलाडीलाई जनही रु १५ हजार प्रदान गरिनेछ । उक्त प्रतियोगिता भोलिसम्म चल्नेछ ।
0
Shares
